သစ်သီးခြံများ တည်ထောင်မစိုက်ပျိုးမီ စိုက်မည့်ပင်ကြားတန်းကြား အကွာအဝေးအား စဉ်းစားဆုံးဖြတ်ခြင်းသည် စိုက်ပျိုးမည့်သူများအတွက် လွန်စွာမှ အရေးပါလှပါသည်။ ပင်ကြားတန်းကြား အကွာအဝေးသည် ကျဉ်းလွန်းလျှင်သော်လည်းကောင်း၊ ကျယ်လွန်းလျှင်သော်လည်း နောက်ဆက်တွဲ ဆိုးကျိုးများကို ဖြစ်ပေါ်စေနိုင်ပါသည်။ ထို့ကြောင့်
သစ်သီးခြံများ တည်ထောင်မစိုက်ပျိုးမီ
·
မိမိစိုက်မည့်
သစ်သီးပင် အမျိုးအစား
·
စိုက်မည့်သစ်သီးပင်၏
မျိုးပွားထားသောစနစ် (အစေ့စိုက်၊ ကိုင်းဆက်၊ အဖူးမြှုပ်၊ မြေထုပ်စည်း၊ စသည်)
·
စိုက်ပျိုးမည့်ဒေသ၏
ရာသီဥတု အခြေအနေနှင့် မြေအမျိုးအစား
·
အပင်၏ ကြီးထွားမှု
သဘာဝနှင့် ပုံသဏ္ဌာန်
·
ကိုင်းဆက်၊
အဖူးမြှုပ်အပင်များအတွက် အသုံးပြုသော အောက်ခံပင်အမျိုးအစား
·
စိုက်ပျိုးမည့်
အကွက်ချစိုက်နည်းစနစ်ပုံစံများ
·
ရေပေးသွင်းမည့်
နည်းစနစ်
·
အပင်အား
ကိုင်းနှိမ်ကိုင်းချိုင် ပုံသွင်းမည့်နည်းလမ်းများ
·
သစ်သီးခြံအား
မိမိပြုစုစောင့်ရှောက်နိုင်မည့် အနေအထား စသည့်တို့ကို ထည့်သွင်း စဉ်းစား
ဆောင်ရွက်သင့်ပါသည်။
သစ်သီးပင်များအား အစာရေစာများကို တစ်ပင်နှင့်
တစ်ပင်လုယူစားမှုမှ ရှောင်ရှားရန်နှင့် အရိပ်အလွန်အကျွံ ကျခြင်းမှ ရှောင်ရှားရန်
သင့်တော်သော အကွာအဝေးတွင် စိုက်ပျိုး သင့်ပါသည်။ ဥပမာ၊ ပုံတွင်ပြထားသည့်အတိုင်း
ရှောက်သံပရာ လိမ္မော်မျိုးရင်းဝင် အပင်တစ်ပင်၏ အကိုင်းအခက်ဝေဖြာမှုသည် တစ်ဖက်မှ
တစ်ဖက် ၅ မီတာ နေရာယူထားသည်။ ထို့ကြောင့် ယေဘူယျအားဖြင့် ရှောက်သံပရာ၊
လိမ္မော်မျိုးရင်းဝင်အပင်များအား ပင်ကြားတန်းကြားကို အနည်းဆုံး ၅ မီတာ
အကွာအဝေးဖြင့် စိုက်သင့်ပါသည်။ သစ်သီးပင်အများ၏ အစာအာဟာရအား
စုပ်ယူစားသုံးသောအမြစ်များသည် မြေအပေါ်မျက်နှာပြင်နှင့်ကပ်၍
ဖွံ့ဖြိုးကြီးထွားလေ့ရှိသည်။ ထို့ကြောင့် အကယ်၍ အခြားအသီးပင်များအား
သစ်သီးပင်များ၏ကြားတွင် စိုက်ရန်အစီအစဉ်ရှိပါက သစ်သီးပင်များ၏ အကွာအဝေးကို ပို၍
ဝေးကွာစွာ စိုက်ပျိုးသင့်ပါသည်။
သစ်သီးပင်များစိုက်သောအခါ ပင်ကြားတန်းကြား
အကွာအဝေး အလွန်အမင်းကျယ်လျှင်
·
အပင်ဦးရေနည်းသောကြောင့်
အထွက်နှုန်းလည်း နည်းနိုင်ပါသည်။
·
ရေပေးသွင်းမှုပို၍
လိုအပ်နိုင်ပါသည်။
·
အချို့သီးနှံများတွင်
အရည်အသွေးကို ထိခိုက်ကျဆင်းစေနိုင်သည်
(ဥပမာ၊ သင်္ဘောတွင် နေလောင်ခြင်း၊
အခေါက်ပင်စည်ကွဲအက်ခြင်း)။
ပင်ကြားတန်းကြား အကွာအဝေး အလွန်အမင်းကျဉ်းလျှင်
·
အပင်များ
တစ်ပင်နှင့်တစ်ပင် ကျပ်ညှပ်ကပ်နေသောကြောင့် ဘေးသို့ ကိုင်းဖြာထွက်မှုမရှိဘဲ
အပင်များ အထွက်သို့ ရှည်ထွက်နေသည်။ ဖြာထွက်သော
ကိုင်းများ၏ ခွများ
ကျဉ်းနေသောကြောင့် လေပြင်းတိုက်ခတ်မှု ဒဏ်ကို
ခံရစေနိုင်သည်။
·
အပင်များ
မြင့်နေသောကြောင့် ခူးဆွတ်ရန်၊ ဆေးဖျန်းရန်နှင့် ကိုင်းနှိမ်ကိုင်းချိုင်ရန်
ခက်ခဲခြင်းတို့ကို ဖြစ်စေနိုင်ပြီး ထိုအတွက်
ကုန်ကျစရိတ်များ ပိုလာနိုင်ခြင်း
တို့ကို ဖြစ်ပေါ်စေနိုင်သည်။
·
တစ်ပင်နှင့် တစ်ပင်
ကျပ်ညှပ်နေသောကြောင့် အပင်တွင်း အလင်းရောင်ရရှိမှုနည်းခြင်းနှင့်
ပင်ပိုင်းဆိုင်ရာ ကြီးထွားမှု
များနေခြင်းတို့ကြောင့် ၎င်းအပင်မှသီးသော အသီး
များသည် အရည်အသွေးညံ့ပြီး အသီးအရွယ်အစား
သေးနိုင်သည်။
·
အပင်များကြား ထယ်၊
ထွန်ဝင်ရန်လည်း ခက်ခဲနိုင်သည်။
မြန်မာနိုင်ငံရှိ သစ်သီးပင်အချို့အား
စိုက်သင့်သော ယေဘူယျပင်ကြားတန်းကြား အကွာအဝေးများမှာ
သရက် - ၈-၁၂ မီတာ (အစေ့စိုက်အပင်များအတွက်)
- ၈-၁၀ မီတာ (ကိုင်းဆက်အပင်များအတွက်)
ပန်းသီး - ၄-၅ မီတာ (အပင်ပုအောက်ခံပင်ဖြင့်
ကိုင်းဆက်အပင်များ)
- ၈-၉ မီတာ (အရိုင်းအောက်ခံပင်ဖြင့်
ကိုင်းဆက်အပင်များ)
ငှက်ပျော - ၂-၃ မီတာ
အုန်း - ၈-၁၀ မီတာ
ဂွေး - ၈-၁၁ မီတာ
ထောပတ်သီး - ၈-၉ မီတာ
သီဟိုဠ်သရက် - ၆-၈ မီတာ
ရှောက်သံပရာ - ၅-၉ မီတာ
သြဇာသီး - ၄-၆ မီတာ
ဒူးရင်းသီး - ၄-၆ မီတာ
စပျစ် - ၂.၅ မီတာ
မာလကာ - ၆-၈ မီတာ
နဂါးမောက် - ၂.၅-၃ မီတာ (ပင်ကြား) × ၃-၄ မီတာ
(တန်းကြား)
ပိန်းနဲသီး - ၁၂ မီတာ
ဇီးသီး - ၈-၁၂ မီတာ
လိုက်ချီး - ၉-၁၂ မီတာ
မင်းကွတ် - ၉-၁၂ မီတာ
မရမ်း - ၉-၁၂ မီတာ
သင်္ဘော - ၂.၅-၃ မီတာ
သစ်တော့ - ၄-၅ မီတာ
တရုတ်နှင်းသီး - ၈ မီတာ
နာနတ် - ၃.၅ မီတာ (ပင်ကြား) × ၅-၇ မီတာ
(တန်းကြား)
မက်မန်း - ၅-၆ မီတာ
သလဲ - ၃-၆ မီတာ
ကြက်မောက် - ၈-၁၀ မီတာ
သကြားသီး - ၇.၅-၉ မီတာ နှင့်
သစ်ကြားသီး - ၁၂ မီတာ
တို့ဖြစ်သည်။
ဟန်ဖြိုးအောင် (ဥယျာဉ်ခြံ)
ကျမ်းကိုး
- Fruit Culture in India (Singh, S, S.
Krishnamurthi and S.L Katyal, 1967)
- Fruit Science Fundamentals, Lecture Guide,
YAU (Hla Aung, 2002)
- Home Garden Technology
http://greenwaymyanmar.org/article/629
Green Way on Tue, 07/22/2014 - 07:39
